السلام عليكم ورحمة الله وبركاته ..
معي اليوم البوم حمود العديم الجديد
أبوملوح 4
بصراحه رائع جداً جداً جداً …
الالبوم عبارهـ اطروحات لقضايا اجتماعيه بصورهـ طريفه وساخرهـ
ويحتوي على مواقف طريفه جداً ..
تم طرحها على هيئة مشكلة وانشودهـ مرتبطه بها .. جميل جداً ..

سأوفر بإذن الله باقي السلسله من 1 الى 3 ..
اتمنى لكم تحميل سهل واستماع ممتع ..
02 – سوالف 1.mp3
03 – خالي البال.mp3
كلماتها : خالي البال
الا وا هني ياللي من الهم خالي بال .. على ماتبي نفسه يضطر يمشيها
ماهو مثل حالي هم قلبي بصدري جال .. اشوف الموارد ضامين ماقدر اجيها
هني العيال اللي خذوا عفشهم بالحال .. مشوا وتركوا جو المدينه وطاريها
نحو وانتحوا يذكر لهم كل وادي سال .. قبل ماتغيب الشمس وصلوا نواحيها
وجاو للفياض اللي بها العشب طال ومال .. تقل فرشتن خضرا وسبحان كاسيها
وبنوا خيام العز للطيب هم مدهل .. وشبوا لهم واجدح عليهم يحاظيها
ودنوا معاميلن ومااها غدير زلال .. وسوا المقهوي دلتن باخصن فيها
وساق القدوع وصب للي حضر فنجال .. من مهيله هي منوة اللي رغب فيها
وجابوا سواليفن وجابوا من الامثال .. قصايد رجاجيلن جزالن معانيها
الا وا هني ياللي من الهم خالي بال .. على ماتبي نفسه يضطر يمشيها
ماهو مثل حالي هم قلبي بصدري جال .. اشوف الموارد ضامين ماقدر اجيها
*****
04 – سوالف 2.mp3
05 – مشاكل.mp3
كلماتها : مشاكل
ياكثر ماشفنا مشاكل مع الناس .. كثرة قضايا المجتمع بالتوالي
واكبر قضية شفتها تشيب الراس ..وسط المحاكم صار فيها جدالي
كل الطلاق بلا عواطف ولا احساس .. واكبر ضحاياهـ المرهـ والعيالي
وش ذنب هالاطفال بفراق واتعاس .. صاروا ضحية للزعل والجدالي
الصبر محمود العواقب ولا باس .. الصبر طيب والفوايد جزالي
ليه هالمشاكل مانحله بمقياس .. ليه التفاهم صار وضعه محالي
ياشين بيتن خالين مابه اوناس .. من عقب ماهو بالسعادهـ مثالي
ابليس سوا لعبتهم خايب الساس .. دمر عمار بيوت مبناهـ عالي
هذهـ رساله واقعيه بها احساس .. مني هديه يوم جاله مجالي
ياكثر ماشفنا مشاكل مع الناس .. كثرة قضايا المجتمع بالتوالي
واكبر قضية شفتها تشيب الراس ..وسط المحاكم صار فيها جدالي
*****
06 – سوالف 3.mp3
07 – من عاش.mp3
كلماتها : من عاش
من عاش في هالزمن ينحاس .. يشوف ياناس ماعافي
هذا زمان الردى والباس .. لو دجت في كل الاطرافي
العام صادفت لي عساس .. يطلب سلف زين الاوصافي
يشكي زمان غبر وافلاس .. علّه تبتسيكـ ( تبكيكـ ) ياكافي
من عاش في هالزمن ينحاس .. يشوف ياناس ماعافي
هذا زمان الردى والباس .. لو دجت في كل الاطرافي
قلت ابشر ومطلبكـ لا باس .. ابشر ترى مامن خلافي
خذا فلوسي وحب الراس .. بس البلا وضعه الخافي
جيته بعد غيبه ومرماس .. ابي منه حقي الوافي
جحد فلوسي وانا منحاس .. وعيا مع الوقت لا يافي
ياناس حذرهـ من الهلاس .. ومن الكفالات واسلافي
حنا بوقتن ردي ياناس .. من هالزمن صدق ينخافي
من عاش في هالزمن ينحاس .. يشوف ياناس ماعافي
هذا زمان الردى والباس .. لو دجت في كل الاطرافي
*****
08 – سوالف 4.mp3
09 – يالربع.mp3
كلماتها : يالربع
يالربع ياضيقتن فيّا .. منها الضماير به خلافي
مليت بديار غربيه .. يادار شينين الاوصافي
ابي الوطن والسعوديه .. دار الكرم دار الاشرافي
ياناس ماشفت انا زيه .. لو دجت في كل الاطرافي
الدين والشرع ماريّه .. والخير والطيب به وافي
دار الحرار النداويه .. الي مع الجو تنشافي
دار الحرار النداويه .. الي مع الجو تنشافي
*****
10 – سوالف 5.mp3
11 – دكتور.mp3
كلماتها : دكتور
دكتور ياوجه الفلس منت دكتور .. كوارثكـ عمت على الخلق كله
كم واحدن من قبل عايش ومسرور .. من جاكـ ولّا صار علته علّه
تزهر في مهنة طبيب و مسعور … تبي الفلوس الي طريقة تدله
شهادتكـ مشرية وانت مخبور .. تلعب علينا دون دين ومله
وين الوزارهـ عن خطا كل مثبور .. حياتنا صارت حياة المذله
راعي الخطا محدن يعاقبه بالفور .. يجزر بهالعالم وهو في محله
حياتنا صارت رخيصه بهالدور .. كل علينا صار سيفه يسله
بالطب مامن حق والوضع حادور .. والوضع مايخفى على من فطن له
*****
12 – سوالف 6.mp3
13 – ياسامعين.mp3
كلماتها : ياسامعين
ياسامعين الصوت ردوا علي تكفون .. ردوا علي تكفون .. ياسامعين الصوت
وش به كذا الاسعار ..الوضع ولع نار .. والسبه هالتجار .. ياسامعين الصوت
الرز غالي حيل .. والبن هو والهيل .. مافي أمل تنزيل .. ياسامعين الصوت
وين التجارهـ وين .. ماترحم المسكين .. الي كلا هالدين .. ياسامعين الصوت
ياحماية الهلكان .. ياوالله العميان .. الوضع ذا تعبان .. ياسامعين الصوت
اطفالنا يبكون .. حليبهن يشكون .. عساهـ سعرهـ دون .. ياسامعين الصوت
حتى الدوا غالي .. زادوهـ بالتالي .. الخلق ماتبالي .. ياسامعين الصوت
واهل الغنم ياناس .. بهدلهم الهوجاس .. زاد العلف بأصناف .. ياسامعين الصوت
طار الشعير وزاد .. عزي لهالاجواد .. لو جلبوا مافاد .. ياسامعين الصوت
شكواي للوالي .. الواحد العالي ..يارب يامعبود .. ابديت لكـ شكواي
*****
14 – سوالف 7.mp3
15 – عسى الله.mp3
كلماتها : عسى الله
عسى الله يصلح الاحوال يالله ياكريم الجود .. عسى الله يصلح الاحوال بأولها وتاليها
يابوملوح ياوجه المشاكل ياقليل الفود … مشاريعكـ دبو بأول الدنيا وتاليها
يابوسهتول وش ذنبي انا دايم كذا مقرود … تجي يمي غرابيل الزمن من قبل لا اجيها
تحملنا نتيجة فكركـ المروح بليا حدود .. اليما حست انا والمشكله رحنا برجليها
افا يابوسهتل وشلون تنسى طيبي المحمود … جمايلنا جحدته ليه يالتعبان تخفيها
ماخبر الا سنوني يوم طيرته وبعد به زود … لفعتن بالبريق الي بعد علباي كاويها
اقول الي مضى خله وشف في يومنا موجود … انا طيب معكـ بس الخباثه ماتخليها
وهالعمال هالي جبت لراعينها الوجيه السود … مصايبهم علينا ماهقيت احدن يمشيها
انا ياشين متورط معكـ بالكارثه موعود … نشبنا نشتبتن ياشينها بانت مواريها
مصانع خمر ومشعوذ وتزوير بعد مشهود … انا وش لي بهالبلشات كله قل واليها
الا يالله ياربي عساهـ سهود ولا مهود … دخيلكـ عن رداة الحظ ياربي بتاليها
********